Sensian Kilisyanu

Guaha `nai tatotpi makat na dibina pot linala`ta. Para i muna` siña ginen sinparat na animu, man-felis hinanau niha. I ti muna` siña, man-gatdun gi fachi` sisonyan didog na pineble yan chinatsaga.

Mientras huhoñge na kada unu debi u gana i pesu ginen masahalomña, guaha ha` ti man-siña gi tautau-ta poresu na mangaige gi sadog chinatsaga. Pot hu pokate ennau na chalan antes mina` hu komprendi i puti yan makat na linala` poble.

Ti listuyu` sumetmun prinsipiu kontra i numesessita ayudun mantension yan fanliheñg familia. Yangin guaha ennau siha na ayudu ginen i federat sin ditension na`e i numesessita. Este na sensian yine`ase` pumula` yan fumatta na ta pinitiye i man-namase` siha na mañeluta. Sensian mauleg na kilisyanu!!

Guihan linau: Guaha un` guihan `nos kuantu biahe masoda` humalum antes yan dispues de dañkulu na linau. Gi alacha humalum unu giya Mindanau (Filipinas). Mafanana`an oarfish, mapanas, mito`lañg yan sumen anaku`.

Humalum lokue` giya Japon yan otru siha lugat antes de dañkulu na linau. Ayu mina` mafana`an guihan linau pot hinalomña tinatitiye ni destrosiau na yeñgyoñg tanu`. Gaige lugatña este na guihan kase 300 pe papa`. Ti sessu anog pot taduñg `nai gaige.

Luseru: I luseru guiya i tafanana`an pution chatagmag ni ma`lag yan mamaisa gi chagchag oga`an gi sanhaya. Huna` sesetbi este kumu palabran tinatiyen tunas na disposision siha piot gi che`chu` linahyan.

Kumu gai luseru i tautau libre ha`aniña desde halum guma` huyuñg esta`i komunida. Ti mapot tali`e este gi maseha haye na prohimu-ta. Gaige este na patte petmanenti gi todu ha petsige. Ha tutuhungue` gi halum gima` familia.

Respetu: Maseha dos na kuttura guaha gi tano`ta, unu metgot gi todu atmos banda: respetu. Poresu na guaha sensian pas, inafamauleg, yine`ase yan trañkilida giya hita kumu unu na tautau tanu`.

Gi halum todu mattiru taya` gi uttimu besis tumatachu soluke hita mismu dispues de man-hanau i otru tautague. Maila` ta onra i glorian i Saina gi este siha na petlas ya ta abiba tautau-ta gi hilu` minagof yan inagofli`e. Mas fitme karera-ta kumu natibu!

Esperansa: Gi karera mona guaha `nai tafagcha`e didog na chinatsaga piot ya todu potta man-machum. Huñgan, gaige hau numanañgu namaisa gi halum fachi` desperau.

Lau huchum matamu ya un` fangagau as Santa Maria ayudu pot minesñgun yan himidde ya un` pinipet gi halum barañka siha na katsada. Guiya si Santa Maria i nanan esperansa (hope) ni siña numa`e hau bendision para u klaru inatanmu gi halum asgun pinadesin didog na chinatsaga.

I Amiguhu: Hu bisisita i amiguhu Magoo pot sinsiyu, magof yan sen tai aburotu. Ha koni` interes-hu i sensian katma yan trañkilidat gi ha`aniña.

Hu eñgulu` sagan fanmaigo`ña gi shack. Ayu gaige un` katren sindalu, señko`, dañges, un` sabanas yan alunan. `An oga`an hana fañochu pinegsaiña dispues umesahyan para i che`chu`.

Gi finagpu` cho`chu`, muna`lagu un` dikiki` na satten hinegsa`, mata`chuñg sumena dispues hana` fañochu ta`lu pinegsaiña siha gi lemlem tautau. Dispues de dos lateria (sitbesa) humalum dumeskansa.

Tatnai huli`e umensinahyau man-apase kandet sa` tai kandet tampoku kareta sa` i umema-udai diariu i prohimu. Ti u dinilalag ni bañku pot apas guma` sa` un` dikiki` gima` sin ni sumasaga. Na`malagu` lau makat `an gai familia hau.

Amsun: Hu soda` un` tiahu gi chepchup unai giya Papau ume`e amsun. Puru tapun dikiki` ni ha pega gi hanum tulanoche antes de u lagnos. Mañge`na fina`na`ye gi katdun charakiles.

Mientras sige i tihahu gi offisioña mata`chuñg-yu` gi hilu` unai sige man-hassu. Un` klasen totchi ni muna` fanla`la` tautau-ta desde antigu na tiempu. Kulan pañglau ni megai na familia umusuni antes.

Hu tuñgu` na gai pinegsa i amku` gi gualo`ña As Mahetog. Megai lokue` tinanomña desde `agun sune yan kamuti, gulusina yan golai. Tatnai huhuñgog umuguñg gi famaguona. Lau manu` ha kusecha siempre ha patte parehu todu. Tai malefaghu ni mañge` charakiles amsun!

Lasas chandia: Gi lemlem tautau, mattu un` patgon hayute` basulan niha gi kantarun. Hu atan haf` yinite`ña. Estaba siha lasas chandia gi halum kahitan dikiki`. Hu hakot ya malag i kusinan mame-yu` ya hu kanu`.

Huñgan siña ti in` heñgge haf` finaposhu gi un` sumen poble na guma` lau ni un` biahe `nai in` sakenguan i bisinu para bai`n fanla`la`. Maase` si Yuus na basulan chandia hinekaghu! Lau husoda` temporariamiente katsun alimientu para guahu. Linala` poble!