Mafondun Fondu

`Nai man-para i DB yan DC na membron programan ritirau ni umo`odas pagamienton i presente na man-ritirau, mas homhum i mapagahes piot gi finatton 2018 na sakan. Gi Oktubre na mes problema ta`lu pagamienton man-ritirau sa` ha nesessita $27 miyon pesus fuera de para uma`apse ginen fiñkas casino.

Gigon hokog magastan tetenan na salape` i fondu, magpu` lokue` pagamientu petmanente. Ni kuantu na dobladan ayau ti satbayun este na problema `nai taya` fitme katsu para u kontinuague` i programa. Dañkulu na obligasion kontribusion hinemlu` yan pagamientun man-ritirau fumufuñot i gobietnon iya Marianas.

Ni kuantu lokue` na keha gi kotte tai bali `nai esta atalag i malañgu na fondu. Estague` i klaru yan kabales estau i programan man-ritirau. Mauleg ta ketuñgu` haf` ineppen todu kandidatu pot este na asuntu. Debi u guaha ineppe piot ayu i umatrebi siha man-malagu!

Estorian apacha` yan o`dut

In` hassu estorian un` apacha` yan i edut? Era, gi tiempun abundansia sige hana`e animu i edut man-rikohe mantension ya ha pega gi halom fina` liyañg. Diariu machogue este para u guaha mantension niha gi tiempun matklima.

I apacha` yan i banidosuña sige gumupu. Tat ti ha dispetdisia sa` geppan ya todu ha hagu`. Chumochu gi katkuet lugat dispues ha yute` sepblaña. I edut ha kanu haf` nesessidatña ya ha pega i tetehnan gi fina` fan-atukaña.

Mattu un` destrosiau na pagyu. Tres dias finuegu i tanu` ni fette na mañglu yan uchan. Todu tinanom nina` fan gagalileg. Kontodu famastuyan yan tupuyan nina` fan rata. Sige i apacha` umesuette boka lau ni hafa sineda`ña. I edut kontentu chumochu gi halom liyañgña gi hagas ha famauleg na mantension mattiempu.

Animosu i man-antigu na mañainata gi finana`guen inadahe yan pine`lu para usun mattiempu. Ala kuenta, leksion na debi tana` fan humidde hit ya ta fachuchu`e kontiempu nesessidat-ta taimanu i animosu na odut. Muñga despetdisiun dididi` na guinaha-ta.

Dottrinan Famaguonta

I famaguonta man-hahanau man-dottrina dispues de finagpu` eskuela. Ennau na matutuhon man-mafana`gue pot tradision relihon Katoliku. Este na ineyag humala halom i patgon man-hassu haf` che`chu` tautau gi prohimuña.

Kumu saina, mauleg bes enkuandu in` konbetsiasune famaguon miyu haf` ineyag niha. Ginen ennau na konbetsasion `nai siña in` esgaihon mona mas mitme na kinemprende pot sustansian lai, hineñgge yan grasia.

Ala kuenta, i ineyag niha relihion i mas fitme na añkla gi linala` niha. Yangin fitme mapegaña ennau na añkla pues tihu mafondu gi halom napu. Siempre u eyag kumapitane galaide`ña dispues de ha diñgu pettan i gima` `nai esta echu tautau.

Sensian hinimidde

Ti hu tuñgu` ayu na amku` as Tun Tomas “Tagalu” soluke `nai oppan na`aña na ha gana un` button santos ya hahatsaye kapiya gi fihon gima`ña. Ha adotna tinanom flores ya diariu i familiaña munagasgas halom yan hiyuñg kapiya.

Ti tatkilu` offisioña gi gobietnu soluke katpenteru. Lau tatnai fatta sumugu` gi kapiya manayuyot antes de hinanau lemlem tautau `sino oran deskansu. Haf` i motibu na hu fafama este na amku`?

Mauleg kasse kada patriakan yan matriatkan familia u fan daña` gi fina` nobena maseha pot para u fan mafanague famaguon tinituhon gi adelantun linala` niha espirituat. Gigon un` tanum ennau na maña giya siha, libianu mapesa gi konsensian niha che`chu` kabales na kilisyanu.

Ha komprende dispues sustansian lai, hineñgge yan grasia. Gigon manhale` este pues esta ti nachatsaga `an sige mona umeyag mamatinas disision pot guiya mismu. I ineyag niha siha mismu umakonduse mona gi famaguon niha mismu.

Siha este siha na famaguon i man-lachog ma`lag na flores gi hatdin korasonta ni animu tafachuchu`e pot para u fan fitme kareran niha mona.

Pagamientu pa`gu, agupa…?

Siempre u huyuñg manana`lun ma-utut na 25 pot sientu gi pagamientun man-ritirau. Ti gratis i mamamaila` soluke para unana`lu i Gobietnu Eulogio S. Inos i ha utut deste mapos na sakan gi mes Oktubre.

I mafitma na tinilaika gi lai hana` guahaye $30 miyon pesus ginen haye na applikante ma`ayeg para u opera bisnis casino guine giya Saipan. I kuenta para pa`gu na sakan ennau i $25 miyon pesus. Man-suette hit na biahe lau puru dinimalas deste otru sakan sa` hokog fondu para nesessidat man-retirau. `An man-ñgaha hit hulu` na biahe kasse seguru na mañgonfotme dispues na debi u guaha dos na lisensia kosake siña ta laime i otru applikante.

`Nai hu tataitai i disision kotte (settlement agreement) ma-estira apas gobietnu para pagamientun man-ritirau dies años na tiempu. I tutat tinahoñgña ennau i $360 miyon pesus. Entre mas ma-utut sueddon man-ritirau `sino man-adespidu hit adios gi lemlem tautau.

Yangin u suha i tutat na pagamientun man-ritirau gi ekonomian Marianas, mas u chafleg i kaha gi maprebeniyen este yan otru siha man-presisu na setbisiun publiku. Tantu de ta bailaye siempre u kahulu` otru sakan ya u bailaye hit sin ditension.

I nesessidat pagamientu estake umadispone i uttimu na ritirau gaige gi $791 miyon pesus. Dudayu` kau u sige mona i programa dispues de sakan 2018. Siempre man-asaluda hit “adios my fileñge!”