Sagun coronavirus

I coronavirus na sagu esta gaige gi todu i tanu`. Mas ñahlalañg ke regulat na sagu lau gai piniligru `an inadite i malañgu ya hinatme hanum i gofesña. Poresu na presisu inadahe!

Dispues, pa`gu na semana doku` mafanana`an Norovirus ni umatataka estomagun tautau. Haf` ya ti mamapau i primet sagu kahulu` otru ni parehu dañosu.

Megai esta mantinatme yan dimalas giya China. Puede kayadan ñaihon sa` tinahuñg fasilidat hinemlu` para `an mit pot mit man-tinatme nu este na sagu. Maseha ti mafattu mage mauleg u guaha sattun na inadahe gi hinemlu unu yan todu.

Suetdu
Gaige gi gaseta na 15-mit na empleau guine gumagana suetdun popble. I dichu kuestion: Haf` na planu guaha para uma-adelanta monedan familia para u inataha sapet na kondision halum guma`?

Gi mismu tiempu man-atotpe hit yan kuentus “mysterity” `sino planun para uma-utut oran cho`chu` papa` gi 64 oras. Komprendiyun i planu lau naseguru haf` magahet kondision fondu gi kaha. Makat gi familia maribahan esta ha` suetdun popble ni maresisibe pa`gu.

Gaige giya hita uttimu disposision gi makubren setbisiun publiku. Puede ti u fattu papa` gi `nai debi ta sakrifisia hinemlu` yan edukasion tautau-ta siha.

Na para todu kareran hiyuñg Marianas. Na setbi i benefisiun Internet dimas de in` atotga umusa i inipus maribaha na fondun publiku. Usa guine gi adelantun tautau-ta siha!
Makat gi katkuet manera! Para in` fan pasesehu `nai manadan tautau manliliñu` ti inaligau niha na sapet?

Katma
`An katma i ha`ane hu rikonose haf` i mensahe gi tatten natañga na silensiu. Guiya este finu` man-amku` i manrikohe mañglu para mattiempu.

Mientras tantu sige hu akanteha asunto-ta siha yan haf` na disposision man-mapetsige. Ti todu hu embrasa lau i disision para minauleg unu yan todu.

Sapet para 15-mit na empleau ni gumagana suetdun popble guine. Makat na chanda este na pinadese gi halum guma` familia. Hu komprende i asuntu kontodu i appenas fondu para este na nesessidat.

Kuantu giya hamyu chumage hanum grifu para katsun estomagumu desde oga`an? In` chage umusune sinetnan choda yan asiga pot ayu ha` guaha gi kusina. Mit grasias para i mañainan mame pot fitme na sinestenen yan minesñgun gi mattiriun linala` popble.

Hinanau
Sessu mandaña` ham gi fina` tininu `nai duru i grasiosu na konbetsasion yan chaleg. Lau dispues man-madispone todu i tres mañelu-hu.

I sumen namagof na dinaña`, maliñgu. Megai besis `nai guaguahu ha` namaisa. Maliñgu i konbetsasion yan manñge` na chaleg che`lu.

Hu tuñgu` na guaha `nai mabisitayu` piot `an kulan hagacha`yu` triste. Lau konsuelu i sensian yine`ase` yan sattun na inaglofli`e gi halum hame na mañelu. Diariu lokue` hu hahassu siha gi tinayuyot-hu. Gi mismu guaha motibu na mattu este na disposision.

Magahet na manhihot ham na mañelu gi halum todu mattiru. Kontodu umañg `in katdun niyog para i lamasan sena. Ni unu kumuentus pot man-hinalulula yan sopas hinegsa`. Ai namagof i agradesiyun na senan popble. Taftaf man-malulug ham gi halum tinaya` mina` in` kemprende linala` popble.

Kariñosa
Un` tiahu sumen kariñosa ni muna` katma yan kontentuyu` gi karerahu` gi hinibenhu. Todu i tiempu kariñosa `an ha adiñgane-yu`. I bosña munana`eyu` pinasensia yan inadahe gi karera-hu.

Magahet na guiya `nai husosoda` konsuelu-hu ginen i motmut na pinasensia yan katma na disposisioña. Ha fanu`eyu` haf` guinaiya entalu` nana yan patgon. Hu sen agradese maseha ñgai`an `nai umasoda` ham. Mauleg na tiahu.

Un` tiuhu lokue` maseha fina` lanchu `nai sumasaga hana` seguru na mañochu ham antes de bai`n diñgu gi lemlem tautau. Sessu hu fatachuñge umekuñgug haf` finaposña gi tiempun Japones. I difirensia, segun sinañganeña, i mampus i Chapanes rektu gi bandan areglu.

Ina`ayuda
Kau kineni` atulai gi tekin, pininu` ga`ga` yan kinisechan gualu todu i tiempu tana` fan mañañage prohimu-ta. Metgut i sensian dinaña` yan ina`ayuda gi halum tautau-ta kontodu gi bandan espirituat tat kumu nobenan familia. Mit grasias!

Tano`hu
Manchagu` tanu` siha hu bisita gi ma`pus na 40 añus. Lau tat mas namagof ke `nai tumalag halum i batkun aire giya Saipan sa` mattuyu` tatte gi petlas `nai mafañagu-yu`. Finu` i kanta “chalan iya hame”.

•••

Tat mas ke freskun mañglu` gi papa` troñkun niyog, katten pajaru gi aire, i bonitu na lemlem tautau yan felis na finagpu` ha`ane giya para`isu. Hu agradese lokue` grasiosu na konbetsassioin yan famaguon-hu yan nietus(tas) gi minachum atdau. Ma`ug na dinaña` familia!

Famaguon-hu
Dinaña` familia para amotsa `sino sena namagof na inasoda` yan konbetsasion unu yan todu. Mientras sige mañochu mana oppan lokue` haf` finapus niha guihe na ha`ane.

Mauleg na inetnun `nai ta huñgug asuntun kada patgon yan haye munesessita ayudu. Este na okasion `nai sattun i dos saina ma-ekuñgug haf` asuntun famaguon niha.

I mañan kada unu oppan na keha gi asuntoña. I fatkilu hu agañg dispues para bai ketuñgu haf` nesessidatña. Hu pasensiaye muna` komprende na debi u mapla` sumañgan haf` gaige hinassoña