Previous Story
Feliz Año Nuebo
I fresco na manglo i mapos na sakan man guagauife ha esta pago. Ta disesea na u sisige ha esti na frescon manglo yan i man bonito siha na sinisedi guine gi islata siha. Hafa kumeke ilegku? Es desit i ekunumiata yan i salape ni humalum gi tanota. Esta guaha dididi salapeta para u libianu kulamten mas mauleg i fondun retirement yan i gobietnota, esta guaha chochu para unos cuantos gi taotaota, esta sige mona i ma areglan i chalan siha. Bunitu esta i chalan santatte, magpi, kumeke bunitu Obyan yan iya Naftan. Esta guaha dididi salape para i man ofisiatta, lokui. Lao guaguaha siha asunto ni man lalailai esta pago. I ma apasen i tano taotao ni ha chuli i gobietnota ya hana ma uusa, pareho ha “Right of Way” yan i chalan para usun publiku “Land Need.” Uma apasi i CUC ni ma usan hanum yan elektrisidad yan i ma tulaikan i pipe yan i tangken hanum siha. U ma nai i CHCC (hospital) salape mas para mediko (physicians), infitmera (nurses), ayudante (administrative staff and medical lab tech.), medical referral, yan public health specialists. Rechasa i nisisidad i Public Works lokue yan uma nae ayudon salape. Bula magahet nisisidadta ya ti klaro kau nahong i salapeta ni humahalum (revenue) para u kinibri esti siha na nisisidad. Man chatsaga hit magahit, lau ta usuni ya tana mauleg mona mas i linalata yan i gobietnota. Responsabilidad i man magasta na uma atan esti siha na nisisidad ya ufan ma falagui ya u ma reskata. Ayuda i kuattro na municipalidad sa guaha nisisidad niha light and heavy equipments tad komo bucket truck, dump truck, long-blade chain saw, yan otro siha na makinaria ni ma nisisita. Siguro yo na mas man magof hit yangin guaha mas salapeta ya sumiña ta kumpli masea la mita gi esti siha na nisisidadta. Thank You.
Rudolfo M. Sablan
Garapan
