Kantan Pot Sainata

Un` talo`ane sige i suabe na kantan relihion siha hu dandan kulan ume`esuetteyu` kampun katma na deskansu pot fatigauyu` ginen chatmaigohu gi paiñge.

Gaige gi un` kanta pot kilu`us gi chagu` hogsu` ni ha signififika pinadese yan pininite gi finapos manfiet na mañgilisyanu. `An ta hassun ñaihon, sumen magahet i manadan hogsu` ni debi ta fedos diariu. Todu i tiempu gaige obligasion gi haf` para ta petsige gi hilu` tunas yan propiu na disposision. Ti mapot lau pot mantautau hit mina` matotompu` maseha haye na kilisyanu.

Sige i kanta ha sañgan pot sinistenen kilu`us kosake siña ha tulaika un` dia yan korona ginen i lañget. Dañkulu na animu i para un` sustene gumu`ot ayu na kilu`us. Tat pinadesen tautau ti un` hinegse gi fihon i kilu`us. Lau hagu gaige guennau ya hagu solu tumuñgu` sessu haf` siñientemu yan kau sinsiyu sentimientomu. Klaru na gai pinadese i tumuge` i kanta!

Manmetgot siha na palabra mangaige gi kanta ni manmatuge` pot i Saina. Ha afuetsasyu` kumuestiona haf` pinadesen i prohimu(ma) na mañgge` kanta ginagau ausiliu gi Saina. Kau ha totpe mampos triste yan chatsaga ya unu yan solu alibiu i para u gagau ayudu yan bendision i lahen Yuus? Este na dopblada kada unu difirensiau finaposña. Enfin sinsiyu finaisenta gi Saina deste ayu na momentu.

I unu ilelegña na yangin un` pegayu` guine pues siempre unna` falofanyu` ginen este lokue` na lugat. Magahet na taiguine siñienteghu antes de operasion korasonhu tres años malofan. Taya` chathinassoghu fuera ke ileghu, “Saina, unna` fattuyu` mage pot guaha mas malago`mu. Echayu bendision”. Kuattru oras dispues manmatayu` listu para bai kahulu`.

Gi hilu` sensian hinimidde siempre un` soda` ginefsagamu piot `nai un` faisen i Saina na un` pinipet pot chatseguru hau gi kareramu mona. Siempre u gaige gi fihonmu! Un li`e` dispues na mas menos i pinadesimu pot un` hoñge na tai hinekog nina` siñaña yan yinease`ña.

Magahet na maseha ñgai`an ya huhuñgog kantan pot ayu na kilu`us i gaige gi chagu` hogsu` siempre guminen i tatayu` saludu yan onru para i Sainahu! Huñgan, ha represesenta pinadesen yan pineniten tautau katkuet ora. Tumatachu` gi chagu` hogsu` para unna` fan manhassu hit ni finapos i Sainata yan todu i tai achaigua na sakrifisioña pot para u kone` hit halom gi rainoña. Guiya humassu hit kumu famaguoña!

Santa Maria Magdalena: Sige i mansabiu maguadog haf` finapos si Santa Maria Magdalena.

ni mampos hihot yan si Jesukristo deste antes de uma-aresta, makastiga, mapunu`, mahafot yan luma`la` ta`lu gi mina` tres dias.

Ti senmegai matuge` pot finapos este na santos soluke un` hagas lepblu ni umesplika dididi` haf` hinanauña gi hilu` faktu na pattisipasioña si Santa Maria Magdalena gi linala` Jesukristo. Ni unu gi manapostolesña tumatiyegue` desteke ma-arresta, masentensia, makastiga, mapunu gi kilu`us yan lumala` gi mina tres dias. Gi todu este siha na mattiru estaba si Santa Maria Magdalena ni lumi`e` fina`pos Jesukristu.

Hali`e` makondena, masentensia, makastiga, ma-atane yan mapunu` gi kilu`us yan `nai mahafot estake kahulu` gi mina` tres dias. Ni unu gi manapostoles esta guine siha na siniseden Jesuskristu solu si Santa Maria Magdalena.

Ti bai aguaguat gi propiu haf` bidaña siha si Santa Maria Magdalena kumu unu gi manapostoles lau pot palao`an na mampos chinanda as San Pedro. Lau deste ayu na tiempu patte fitme palao`an gi kinalamten Jesukristu! Si Santa Maria Magdalena i kumilili` yan kumatga sin finatane` ayu na patte `nai manaigue i dose na mangachoñgña si Jesukristu!

Nobena: Un` talo`ane, mattu i amku` gi gima` yan un` kanastran nobenan mañantos siha. Ayu fino`ña i para bai tutuhon manayuyot. Hu atan ya ileghu na unu kasi na santos kumu patron familiaghu, paire. Gi bandan mame si St. Jude. Kulan i pution siha gi lañget ayeg unu ni ilegmu bonita para hagu mismu. Ti siña na para todu!

Huñgan, i mañantos siha guaha un` patte gi linala` niha mina` afamau yan sinantusan ennau na santos. Gi as St. Jude ayudu gi mansala` siha na kausa. Guiya solu sinede ni Saina manbendise ti amtiyon na kausan hinemlu` siha. Hu ayeg pot gumai problema un` tiempu un` patgonhu ni sumen malañgu. Ha bendise yan ha gachuñge ham pot mas ke dies años segidu guihe na tiru. Si Yuus Maase patronhu!

Pot primet biahe `nai huli`e` haf` fuetsan Yuus `nai ni mona ni tatte appenas esperansa `nai sumen popble siñienteghu ya kulanyu` mayute` gi halom taduñg na sabana. Makat na karera ya i tinayuyot yan inañgoghu gi Saina kumonduseyu` tatte gi regulat na modun lina`la`. Na guaha tiempu umabiba adelantun linala` espirituat pot satbasion miyu mismu!